شلون أفكر
وآنا كل تفكيري بيك
واش أسوي
مهو كلشي بين ايديك
كشفتلك معدن صفاتي
تركتلك ترسم حياتي
نسيتلك كل امنياتي
واحلامي كانت عليك
أنا ماهمني بيوم
لاعواصف لاهواها
ودوم كنت أسألك
ياغالي ايش الوراها
وياما كنت اطمنك
واكلمك أرد اهدّيك
ومن غلاتك
بقلبي اللي حبك احتويك
واشتكيلك
روحي تعطش يا ضماها
وهيه كالغيمة بصفاها
لو طاحت القاع
ترميلك نداها
وتشوفها بعالي سماها
ماحدا زاد وعلاها
تظلك من شمس وسناها
وان أمطرت خير عليك
حالتي مثل حالتك
بالفعال وباليقين
ماتبدلها الليالي
ولاتغيرها السنين
والسفينة بوسط موج
بيها يتساوى الطفل
ويّا ربان السفين
والقدر محتوم
لابدية ولابديك
إنت إن كنت بادي
أنا قبلك والله بديت
ولو قلتلي اضحيلك
ترا قبلك (لخاطر عيونك )
أنا الضحيت
وماني قادر أرمي شي
وأنت عندي كل شي
زين خليها على الله ثم عليّ
بهالوقت آنا عليك
مابيدي شي
وانتا يالساكت
وصمتك مرّ عليّ
وأسرارك وأفكارك
من نار(ن) ومي
خلي شوي منها عليك
واترك الباقي عليّ
وقلي فكر بالبنين
وفكر(ن) فيا وفيك
آني باذن الله قادر(ن)
أحتويهم واحتويك
إنت بس اللي عليك
تسلمني إيديك
ماعندي نية
غير إني أبيك
ألفك بحضني
وبحناني أحتويك
إنتا وكلشي معاك
والماشي وراك
ابيع الدنيا والله وأشتريك
ولك أنا مو قتلك من قبل
ذيك الكلمة المبغوضة
محرمها عليك ؟!