عيونها

عيونها :
-------
ولك سحر عيونها بيسبي سبي
وكل من بيشوفها يصلي عالنبي
انا اللي بيئولو عني فارس ومقدام
إذا اتطلعت فيي بئعد وإحبي حبي
--------
وعيونك ماني جبان بس عيونك أضية
سبلي هالجفن النعسان يا أغلى مني عليه
--------
عيونك شو عملو فيه
ياحلوه ياصبيه
ألبي المابملك غيرو
أدمتولك هديه
سبلي هالجفن النعسان يا أغلى مني عليه
------------
شو عملو فيه عيونك
والكل سموني مجنونك
مابعيش العمر بدونك
بس دخلك حني عليه
سبلي هالجفن النعسان يا أغلى مني عليه
------------
رموشك عملو العمايل
حلوه يام الجدايل
يسلملي الخصر المايل
وشو هالطله البهيه
سبلي هالجفن النعسان يا أغلى مني عليه
------------
عيونك والله عيون الصقر
ومن وشك بيغار البدر
وملكتيني كل الدهر
وألبي أصر وعليه
سبلي هالجفن النعسان يا أغلى مني عليه
------------
عيونك والله يشلو شل
مالن دوا ومالن حل
من إدامن دوم بفل
ظربن ظرب الشبريه
سبلي هالجفن النعسان يا أغلى مني عليه
------------
ويلي من لون عيونك
ويلي اذا غمزو جفونك
ألبي بيوئع جواتك
وظغطي بيطلع للميه
لاتعوديني عالحرمان يا أغلى مني عليه

ح ضلني معك

ئالت هيك :
-----------
( ح ضلني معك )
هي مو جملة تنئال والسلام ...ولا المهم مجرد وجودي !!
شو نفعي إن بئيت معك سنين متل شي حيط ؟!
شو نفعي إن عيّشتك شهر عسل وسممتك بالعُمر البائي ؟!
( ح ضلني معك )
يعني بدي اتحمّل إنك ممكن تكتئب فجأة .. بلا سبب
يعني ما إكتفي بالتحمُل ..و اتفهمك .. وبعمل مية ألف أصة لـ شوف ضحكتك !!
( ح ضلني معك )
يعني ما يغريني شي بالدنيا غير رضاك
ولي ما برضاه ع حالي .. وغلاوة عيونك ما برضاه عليك !!
( ح ضلني معك )
فيها كتير معاني .. كتير مسؤولية ..كتير حب ..
فيها إني ضلّني شايفة حالي فيك .. وبفتخر
إني ما صدّق ولا اسمح بـ كلمة بشعة تنحكى عنّك ..
ماضيك ؟!
هاد شي حبّيتك فيه .. وكبرت بـ عيني وقلبي .. لما حكيتلي ياه !!
ح ضلني معك .. باختصار :
إني بعرف كيف خليك تضلّك معي ..
وأنا مين شافتك.. وما صدّقت ...
.................
ورديتلا هيك :
-------------
( وح ظلني مَعِك )
جملة بئولها بكل حالة من الأحوال
جملة فيها جوابي لمليون سؤال
( وح ظلني مَعِك )
مو بكيفي .. غصب عني .. ألبي اللي اختارك
لتكوني فرحتي وبكون فرحتك بليلك ونهارك
( وح ظلني مَعِك )
لتكوني كلشي بحياتي ولكون كلشي بحياتك ... وح عوضك كلشي من أمانيكي ورغباتك
ولأرسملك البسمة بدل آهاتك ودمعاتك
( وح ظلني مَعِك )
حبيب وعشيئ وأب وأخ ورفيئ ... ودليلك ومئانسك لتكفّي الطريئ
وجوز شرئي غيور بيغار عليكي من خيالك ومن تيابك
ماضيكي ؟!
مابيهمني كلو من أولو لحد ماعرفتك ... مسؤولة إدامي وإدام ربي من وئت وهبتيني نفسك
وبحب اسمعو منك وشو بيحكو عنك ... وغلاوتك عندي هالشي بيسعدني .. وأكيد بيسعدك
( وح ظلني مَعِك )
وح تظلي معي غصبن عن عين أبو اللي خلفونا ح نظل معنااااااااا
لابكيفي ولابكيفك ... اتركي الأمر عليي وأنا اللي بدبرك
وأناااااا اللي شافك .. وماصدّق ..
    **********
ومنشان عيونها غنيتلا :
    **********
تئولي :
ح ظلني مَعَك ....  تتبعني وأتبعك
بتحمّل منك ... واتحمّل معك
فرحني فيك ... وفرحني معك
ورح تبئى معي ... ورح إبئى معك

وبئلك :
إذا فيكي تروحي روحي ... هادا ألبك بئديي
وإذا بدك تبئي روحي ... رح شيلك بعينيي
إنتي السرئتي روحي ... لما تطلعتي فيي   
حبستك جواتو لألبي حكمت ورفعت الأضيه  
***
بتكوني متل مابدي ... رح كنلك متل مابدك
وأنا يا أرض اشتدي ... أدي ماحدا حبك
ولما ائبلت التحدي ... حبي زايد على حبك
وإذا انتي اللسبئتيني بئدملك عمري هديه
***
أنا شايف حالي فيكي ... وإنتي فيي مغرورا
ألبي اللبيبكي عليكي ... لما بشوفك مئهورا
ومن حبي لعينيكي ... كل الدنيه مبهورا    
حبي وحلالي إنتي يم الطلا البهيه
***
الجازه برميل ومكتوب ... عسل وحنظل جواتو
يالله افتحيه بالمئلوب ... وكبي الحنظل براتو
ألبي فيكي دايب دوب ... عسلك مافي بحلاتو
عيشي وعيشني العمرين العيشة معك هنيه
*****